ការបង្កើតរូបមេដែលជារូបបង្អួចនៅក្នុងកម្មវិធីកន្លងមក ប្រព្រឹត្តទៅដោយមានការយកថ្នាក់ឈ្មោះ QWidget មកប្រើដោយផ្ទាល់តែម្តង។ តែជាទូទៅ គេច្រើនបង្កើតរូបបង្អួចដោយយកថ្នាក់រងនៃថ្នាក់ឈ្មោះ QWidget នេះមកប្រើ។ បានន័យថា ជាដំបូងយើងត្រូវបង្កើតថ្នាក់រងនៃថ្នាក់ឈ្មោះ QWidget ជាមុនសិន រួចបានយកថ្នាក់រងនោះមកប្រើជាក្រោយដើម្បីបង្កើតសិស្សដែលជារូបបង្អួចណាមួយនោះ។ ពិនិត្យកម្មវិធីខាងក្រោមនេះ៖
#!/usr/bin/env python
import sys
from PyQt4.QtCore import*
from PyQt4.QtGui import*
class រូបមេ(QWidget):
def __init__(សិស្ស):
QWidget.__init__(សិស្ស)
សិស្ស.resize(400, 250)
សិស្ស.setWindowIcon(QIcon(‘network.ico’))
សិស្ស.setWindowTitle("ថ្នាក់រងនៃថ្នាក់ QWidget")
គន្លឹះ = QPushButton("យល់ព្រម", សិស្ស)
សិស្ស.resize(400, 250)
កម្មវិធី = QApplication(sys.argv)
បង្អួច = រូបមេ()
កម្មវិធី.setFont(QFont(‘Khmer OS Metal Chrieng’, 10))
បង្អួច.show()
កម្មវិធី.exec_()
class រូបមេ(QWidget): គឺជាបង្កើតថ្នាក់ឈ្មោះ រូបមេ មួយដែលជាថ្នាក់រងនៃថ្នាក់ឈ្មោះ QWidget ។
សិស្ស.setWindowIcon(QIcon(‘network.ico’)) គឺជាការយកវិធីឈ្មោះ setWindowIcon មកប្រើដើម្បីកំណត់យករូបមានឈ្មោះថា “network.ico” ជារូបដែលត្រូវលេចឡើងនៅលើរបារចំណងជើង នៅជ្រុងខាងឆ្វេង។
បង្អួច = រូបមេ() គឺជាការយកថ្នាក់រងឈ្មោះ រូបមេ មកប្រើដើម្បីបង្កើតរូបបង្អួចមួយមានឈ្មោះថា បង្អួច ។ ប្រការនេះធ្វើឲ្យស្ថាបនិកនៃថ្នាក់រងនោះត្រូវយកមកប្រើជាស្វ័យប្រវត្តិ ដែលជាហេតុបណ្តាលឲ្យបញ្ជាផ្សេងៗនៅក្នុងស្ថាបនិកនោះក៍ត្រូវយកមកអនុវត្តដែរ។ ប្រការនេះធ្វើឲ្យប៊ូតុងឈ្មោះ គន្លឹះ ក៍ត្រូវបានបង្កើតឡើងនៅពេលនោះដែរ។
នៅក្នុងកម្មវិធីខាងលើនេះ យើងសង្កេតឃើញថា ការកំណត់ពីទំហំនិងចំណងជើងរបស់បង្អួច និងការបង្កើតគន្លឹះ គឺត្រូវបានធ្វើឡើងនៅក្នុងស្ថាបនិកនៃថ្នាក់រងឈ្មោះ រូបមេ នោះទាំងអស់។ ហើយឈ្មោះ សិស្ស នៅក្នុងស្ថាបនិកនៃថ្នាក់រងនោះ គឺជាឈ្មោះមួយទៀតរបស់បង្អួចឈ្មោះ បង្អួច ព្រោះបង្អួចនេះត្រូវបានផ្តល់ឲ្យទៅស្ថាបនិកសម្រាប់ដំណាង សិស្ស នោះជាស្វ័យប្រវត្តិ។
ប្រភព៖
វិទ្យាសាស្ត្រ និង ការអភិវឌ្ឍ 
បញ្ចេញមតិ